يابارد الإحساس صدر الغلا ضـاق يكفي غياب ويكفي اللي جرى لـي
مسكين قلبٍ دايـم الـدوم مشتـاق مستحملٍ ظلـم الزمـن والليالـي
مثل الجبل ما هزتك ريح الأشـواق ولا زارتك ذيـك الهمـوم الثقالـي
خسران دامك ماتبي حـب ووفـاق تذبل زهورك كلمـا الوقـت طالـي
أصعب خبر لا قلت لي كلمة فـراق عقب الوفا والحب تنسـا وصالـي
واجمل خبر لا جيتني حيـل سبّـاق تطلب حنيني يـا بعـد كـل غالـي
كن الغلا مزروع في وسط الأعماق غايب ولا يمكـن تفـارق خيالـي
لك في خفوقي حب وازهار واشواق ولي في خفوقك بس هجر وتعالـي
ويا مالك الإحساس صدر الغلا ضاق يكفي غياب ويكفي اللي جرى لـي
الثلاثاء نوفمبر 04, 2008 7:24 am