****************
تبي تقسى تبي تجفى انا ما ينحنى راسـي
ابيك اليوم تنساني وتنسى الحب واحزانـه
انا صابر على ظلمك انا عاشق باحساسـي
اراعي من يراعي الحب ويعرف كل اوزانه
عطيتك حب من قلبي تنفسته مـع انفاسـي
حسبت ان الهوى عادل ولا توجد به خيانه
حسافه يوم صدقتك وقلت انك اعز ناسـي
انا ما شفت فيك الا الغـدر بكـل الوانـه
تبي ترجع ترضيني نسيت انك علي قاسـي
انا لي قلب ما ينسى ولو عليت من شانـه
انا طبعي كذا حتى ولـو عافنـي جلاسـي
اشوف الحق بعيوني واقولـه بكـل تبيانـه
تذكر يوم انا جيتك وقلت اهواك يا ناسـي
واغليتك على روحي واعطاك القلب تحنانه
رجعت اليوم تبكي لي وتعاتب قلبك القاسي
كشفت بحزن اوراقك وقلبك بانت اشجانـه
ترى ما يفيد لو تبكي وقع فاسك على راسي
تحطم فيك انا قلبي وعفت الحب واحزانـه
ابيك اليوم ياظالم تذوق المر مـن كاسـي
مصير اللي يخون الحب عليه تدور ازمانه
****************
السبت أكتوبر 11, 2008 7:29 am
